Expolibre

Expolibre es una exposicion itineranta explicant los logicials liures al public grand.
Un ensemble de panèls presenta la filosofia del logicial liure, movement que se desvolopa dempuèi la debuta de las annadas 80, e explican çò que son los logicials liures. L'objectiu es de sensibilizar als enjòcs de societat ligats a aquela revolucion informatica.

Dins l'esperit del logicial liure, aquela exposicion es « liura » e vos convidam a la telecargar per difusar, la copiar, l'expausar o l'adaptar.

Aquesta exposicion es una adaptacion de l'exposicion en francés disponibla sul site expolibre.org qu'es estada realizada pel grop sensibilizacion de l'April, qu’a per tòca la produccion, l'inventari e lo melhorament de las ressorsas de comunicacion a l'entorn del logicial liure, a de fins de promocion e de sensibilizacion del public a aqueles enjòcs.