Ajuda
Règla del jòc
Debuta de la partida
Sèt letras son tiradas a l'azard dins lo sac. Amb aquestas, cadun va ensajar de crear un mot novèl. Lo primièr jogaire deu obligatòriament posar lo primièr mot al centre del platèu, sus l’estela. Aquel mot deu èsser compausat al minimum de 2 letras. Lo segond jogaire se deu apiejar sus aqueste mot per plaçar lo seu e aital e autrament…
Calcul de la marca
La marca d’un còp es calculada en addicionant la valor de totas las letras dels mots novèls formats (en tot comptant las ja pausadas sus la grasilha). Se una de las letras del mot es sus una casa blau clar, sa valor es doblada e triplada s'es sus una casa ròsa. Per las casas blau escur o roge, es lo mot que compta doble o triple.
Atencion ! Cada casa multiplicatritz servís pas qu'un còp!
S'un dels jogaires capita de plaçar sas 7 letras d’un còp d'un sol, se ditz qu’a fait un Escrabble . aqueste còp li rapòrta una prima de 50 punts.
Fin de partida
La partida es acabada quand lo sac es vuèg e qu’un dels jogaires a pausat totas sas letras, o que cada jogaire a passat son torn sens poder jogar. S'un jogaire a pausat totas sas letras, li es balhat en bonús la valor de las letras que demòran als autres jogaires. Se tira de la marca d'aquestes la valor de las letras que demòran sus sas regletas.
Lo jogaire qu'a la marca mai nauta a ganhat la partida d'Escrabble.