Siran
(L’Auriol en occitan)
Lo nom de Lauriole ven probablament d’un nom de persona, el meteis fasent referéncia al nom occitan de l’auriòl (nom d’ostal Auriol) mas Astor nos ditz que lo nom de luòc Auriol, Aurioles los Aurioles poiriá provenir de l’ancian francés oriol, bòrd lindal, qu’auriá agut un correspondent occitan, aquela lenga avent gardat aurièra, bòrd, limit d’un camp.
Curiositat toponimica per una curiositat toristica atirant los badalucs tot lo long de l’annada. En efièch, a bicicleta, en ròllers, esquèit o amb bòlas de petancas e botelhas d’aiga, totes vòlon verificar l’étranhesa de «la còsta que monta e que davala». Magia druidica locala ? Magnetisme ? Optic ? Las ipotèsis van bon tren. Patrice Cartier ne parla dins un libre a lo qual lo luòc balha son títol: «la còsta que davala e autras diablariás» dins lo qual mescla ficcion e realitat per nos far viatjar a l’entorn de Menerbés.